MAVAL TALKS NEWS : मावळ तालुक्यातील पर्यटन स्थळांवरती 144 कलम लागू
करोनाच्या पार्श्वभूमीवर लोणावळ्यातील पर्यटनस्थळी 144 कलम लागू करण्यात आलं असून पाच किंवा त्या पेक्षा अधिक व्यक्तींना एकत्र येण्यास मज्जाव करण्यात आला आहे. तसेच, धबधब्यापासून एक किलोमीटर परिसरात वाहनांना बंदी घालण्यात आली आहे. गेल्या काही दिवसांपासून लोणावळ्यातील पर्यटनस्थळी नागरिक गर्दी करत असल्याचं निदर्शनास आले होते. उपमुख्यमंत्री अजित पवार यांनी वारंवार आवाहन करून देखील नागरिक गर्दी करत असल्याने आज पासून नवीन नियम लागू करण्यात आले आहेत.
१) पाच किंवा पाच पेक्षा जास्त व्यक्तींना वरील नमूद ठिकाणी एकत्र येण्यावर प्रतिबंध राहील.
२) पावसामुळे वेगाने वाहणान्या पाण्यात उतरणे, खोल पाण्यात उतरणे व त्यामध्ये पोहणे,
३) धबधब्यावर जाणे अथवा पाण्याच्या प्रवाहाखाली बसणे,
४) पावसामुळे धोकादायक झालेली ठिकाणे, धबधबे, दन्यांचे कठडे, धोकादायक वळणे इ. ठिकाणी सेल्फी
काढण्यास व कोणत्याही स्वरुपाचे चित्रीकरण करणे,
५) पावसामुळे निर्माण झालेल्या नैसर्गिक धबधब्याच्या परिसरामध्ये मद्यपान करण्यास व मद्यधुंद अवस्थेत प्रवेश
करणे, मद्य बाळगणे, मद्यवाहतुक करणे, अनाधिकृत मद्य विक्री करणे व उघडयावर मद्य सेवन करणे.
६) वाहतुकीचे रस्ते तसेच धोकादायक ठिकाणी वाहने थांबविणे,
७) वाहनांची ने-आण करताना बेदरकारपणे वाहन चालवणे, धोकादायक स्थितीत वाहन करणे,
८) सार्वजनिक ठिकाणी खादयपदार्थ, कचरा, काचेच्या व प्लास्टिकच्या बाटल्या व थरमाकॉलचे व प्लास्टिकचे
साहित्य उघडयावर व इतरत्र फेकणे.
९) सार्वजनिक ठिकाणी येणाऱ्या महिलांची छेडछाड करणे, टिंगल टवाळी करणे, महिलांशी असभ्य वर्तन करणे,
असभ्य हावभाव करणे, शेरेबाजी करणे अथवा लज्जा निर्माण होईल असे कोणतेही वर्तन करणे.
कोणत्याही टिप्पण्या नाहीत:
टिप्पणी पोस्ट करा