खडकाळे ग्रामपंचायतकडून महिला वर्गासाठी विनामूल्य टेलरिंग आणि फॅशन डिझाईन कोर्स सुरू

MAVAL TALKS NEWS 

कला व शिक्षण विकास संस्था व ग्रुप ग्रामपंचायत खटकाळे यांचाकोकण संयुक्त उपक्रम खडकाळे ग्रामपंचायतकडून  महिला वर्गासाठी विनामूल्य टेलरिंग आणि फॅशन डिझाईन कोर्स सुरू 

खडकाळे : कोकण कला शिक्षण विकास संस्थ मुंबई आणि ग्रामपंचायत खडकाळे यांच्या वतीने कामशेत गावातील महिला वर्गासाठी विनामूल्य टेलरिंग आणि फॅशन डिझाईन कोर्सची रिंकू सभागृह येथे सुरुवात करण्यात आली असून ग्रामपंचायतीच्या १४ व १५ व्या वित्त आयोगातील तरतुदीनुसार या कार्यक्रमाची आर्थिक तरतूद करण्यात आली आहे.या कार्यक्रमाचे उद्घाटन खडकाळे ग्रामपंचायतीचे सरपंच रुपेश गायकवाड यांच्या हस्ते पार पडले.प्रशिक्षणार्थी महिला मोठ्या संख्येने पस्थित होत्या परेश बरदाडे यांनी मशीचे पूजन केले तर ग्रामविकास अधिकारी काळे यांनी हार अर्पण केला.याप्रसंगी सरपंच उपसरपंच ग्राम विकास अधिकारी ग्रामपंचायत सदस्य उपस्थित होते.

याप्रसंगी बोलताना सरपंच रुपेश गायकवाड म्हणाले कोकण कला व शिक्षण विकास संस्था मुंबई आणि ग्रुप ग्रामपंचायत काळे यांच्या आदेशानुसार कामशेत गावातील महिला वर्गासाठी विनामूल्य टेलरिंग आणि फॅशन डिझाईन कोर्सची माझ्या हस्ते उद्घाटन होत आहे ही खूप मोठी आनंद देणारी गोष्ट आहे.कारण गरीब आणि गरजू महिलांना याचा लाभ होणार आहे प्रशिक्षण कोरोना प्रतिबंधक उपाययोजनेच्या सर्व नियमांचे पालन करून व्हावे असे मी आवाहन करतो. तर लसीकरण झालेल्यांना प्रथम प्राधान्य असेल यासाठी कोकण संस्थेची निवड करण्यात आली.

 महाराष्ट्र शासनाच्या सर्व नियमानुसार ही संस्था नोंदणी झालेली आहे.केंद्र शासनाची नीती आयोग तसेच व्होकॅशनल बोर्ड दिल्ली येथील ही संस्था नोंदणीकृत आहे. तसेच पंधराव्या वित्त आयोग अनुसार प्रशिक्षण देण्यास सक्षम व नावाजलेली आहे. सिंधुदुर्ग,रत्नागिरी, रायगड, पालघर,ठाणे या ठिकाणी संस्था प्रशिक्षण देत आहे. तर अनेक सामाजिक कामात अग्रेसर आहे. तसेच संस्थेला ग्रामपंचायत किंवा इतर सरकारी संस्थांसोबत काम करण्याचा अनुभव सुद्धा आहे.

 मावळ तालुक्यात संस्थेने कोरोना संकट काळात अनेक गावात आदिवासी व कातकरी बांधवांना धान्य आणि जीवनावश्यक वस्तू देऊन मदत केली आहे.उपसरपंच व इतर मान्यवर सदस्य आणि ग्रामविकास अधिकारी यांच्या उपस्थितीत कार्यक्रमाचे उद्घाटन झाले.

यावेळी उपसरपंच निलेश दाभाडे, ग्रामविकास अधिकारी विलास काळे,निलेश गायखे,मोनाली गायकवाड, अनिता गायखे,शिल्पा दौंडे,विमल पडळकर,परेश बरदाडे,अंजना मुथा,रोहिणी दौंडे,कविता शिंदे, गणपत शिंदे,दत्तात्रय रावते, कविता काळे,वैशाली इंगवले, दत्तात्रय शिंदे,अभिजीत सिनगारे इत्यादी सदस्य उपस्थित होते.तर या कार्यक्रमाचे सूत्रसंचालन बापू माने यांनी केले तर ग्रामपंचायत सदस्य यांनी आभार मानले.